ძებნა

მენიუ

ძებნა

სისხლის სამართალი

ილიას სახელმწიფო უნივერსიტეტი

სისხლის სამართლის სამაგისტრო პროგრამის მიზანია მოამზადოს კონკურენტუნარიანი და კვალიფიციური იურისტი, რომელსაც ექნება სისხლის სამართლის სისტემური ცოდნა და ასევე პრაქტიკული საქმიანობისათვის საჭირო უნარ-ჩვევები.

მისანიჭებელი ხარისხი: სისხლის სამართლის მაგისტრი (Master of Criminal Law)

სწავლების ენა: ქართული, ინგლისური ენის კომპონენტით

სწავლების ხანგრძლივობა: 120 ECTS კრედიტი, 4 სემესტრი

რატომ უნდა ავირჩიოთ სისხლის სამართლის სამაგისტრო პროგრამა ილიას სახელმწიფო უნივერსიტეტში?

პრაქტიკული უნარების განვითარება
პროგრამა ფოკუსირებულია არა მხოლოდ თეორიულ ცოდნაზე, არამედ პრაქტიკული უნარ-ჩვევების განვითარებაზე. სტუდენტები იძენენ ცოდნას სასამართლო პრაქტიკის, ევროპული და საერთაშორისო სისხლის სამართლის, ასევე სისხლის სამართლის ინსტიტუტების შესახებ, რაც მათ ამზადებს როგორც საჯარო (სასამართლო, პროკურატურა, გამოძიების ორგანოები), ისე კერძო (ადვოკატურა) სექტორში საქმიანობისთვის. სამართლის სკოლა აქტიურად თანამშრომლობს ადგილობრივ კომპანიებთან სტუდენტების სტაჟირებისა და დასაქმების კუთხით.

მაღალკვალიფიციური აკადემიური პერსონალი
სამართლის სკოლის ერთ-ერთი ძლიერი მხარეა მაღალი კვალიფიკაციის მქონე აკადემიური პერსონალი, რომელთა შორის არიან როგორც ადგილობრივი, ისე უცხოელი ლექტორები. ეს უზრუნველყოფს სწავლების მაღალ ხარისხს და თანამედროვე მიდგომებს.

საერთაშორისო შესაძლებლობები
სამართლის სკოლა თანამშრომლობს მრავალ საერთაშორისო უნივერსიტეტთან, რაც სტუდენტებს ERASMUS+ გაცვლითი პროგრამებით სარგებლობის შესაძლებლობას აძლევს.

კვლევა და პროფესიული განვითარება
სამართლის სკოლის კვლევითი ცენტრები ხელს უწყობს სტუდენტების სამეცნიერო-კვლევით საქმიანობას. დამატებით, სტუდენტებს შესაძლებლობა აქვთ, მონაწილეობა მიიღონ ადგილობრივ და საერთაშორისო იმიტირებულ პროცესებში, კონფერენციებში, ოლიმპიადებსა და სეზონურ სკოლებში, რაც ხელს უწყობს მათ პროფესიულ განვითარებას.

პროგრამის ხელმძღვანელი

პროფესორი ზაზა მეიშვილი  zaza.meishvili@iliauni.edu.ge

დასაქმების შესაძლებლობები

  • კურსდამთავრებულს შეუძლია დასაქმდეს შესაბამისი პროფილის საჯარო სექტორში, მათ შორის პროკურატურაში, სასამართლოში, შინაგან საქმეთა სამინისტროში;
  • ჩაერთოს საადვოკატო საქმიანობაში;
  • გააგრძელოს სწავლა სადოქტორო საფეხურზე;
  • იმუშაოს შესაბამისი პროფილის საერთაშორისო ორგანიზაციებში;
  • ადამიანის უფლებების სფეროში მომუშავე არასამთავრობო ორგანიზაციებში;
  • სისხლის სამართლის საკითხებში პრაქტიკოს ექსპერტად;
  • მოსამართლედ (ამ პროფესიით საქმიანობისთვის კურსდამთავრებულმა უნდა დააკმაყოფილოს კანონმდებლობით დადგენილი მოთხოვნები).

პროგრამის სტუდენტი შეიძლება გახდეს სამართლის ბაკალავრის აკადემიური ხარისხის მქონე პირი.

სამაგისტრო პროგრამაზე სწავლების უფლებით სარგებლობენ პირები, რომლებსაც ჩაბარებული აქვთ შესაბამისი ტიპის საერთო სამაგისტრო გამოცდა და ჩააბარებენ შიდასაუნივერსიტეტო გამოცდებს (გამოცდის ტიპი − წერითი გამოცდა):

  • წერითი გამოცდა სპეციალიზაციაში − სისხლის სამართალი (60%);
  • ინგლისურის გამოცდა B2 დონე (40%).

საგანმანათლებლო პროგრამის კომპონენტი განაწილებულია შემდეგი სახით:

  • 54 კრედიტი − სისხლის სამართლის სპეციალობის (დარგობრივი) სავალდებულო კურსები (მათ შორის 18 კრედიტი − პრაქტიკული კომპონენტი, 6 კრედიტი − აკადემიური წერა იურისტებისთვის);
  • 24 კრედიტი − სისხლის სამართლის სპეციალობის (დარგობრივი) არჩევითი კურსები;
  • 12 კრედიტი − თავისუფალი კომპონენტი (სტუდენტმა შეიძლება აირჩიოს ილიას სახელმწიფო უნივერსიტეტის სამაგისტრო პროგრამებით შემოთავაზებული ნებისმიერი კურსი);
  • 30 კრედიტი − სამაგისტრო ნაშრომი.
PDF Icon კურიკულუმი
PDF Icon კურსების კატალოგი

პროგრამასთან დაკავშირებული რესურსები და პარტნიორები

  • სასწავლო პროცესის მართვის სისტემა „არგუსი“;
  • პროგრამა “Turnitin” და “Moodle”;
  • უნივერსიტეტის ბიბლიოთეკა (მათ შორის ელექტრონული ბაზები);
  • უნივერსიტეტის კომპიუტერული ცენტრები;
  • სალექციო აუდიტორიები;
  • სამართლის სკოლის კლინიკები;
  • სამართლის სკოლის კვლევითი ცენტრები.

პროგრამასთან დაკავშირებული კვლევითი აქტივობები

  • სამართლის სკოლის სტუდენტები სარგებლობენ ERASMUS+ გაცვლითი პროგრამებით;
  • მონაწილეობენ ადგილობრივ და საერთაშორისო იმიტირებულ პროცესებსა და კონფერენციებში;
  • სამართლის სკოლის ორგანიზებით დაგეგმილ ოლიმპიადებსა და სეზონური სკოლებში.

აკადემიური პერსონალი და მათი კვლევითი ინტერესები

პროფესორი  ზაზა მეიშვილი zaza.meishvili@iliauni.edu.ge

ასოცირებული პროფესორი მარინა მესხი marina.meskhi@iliauni.edu.ge

ასოცირებული პროფესორი თინათინ გოლეთიანი  tinatin.goletiani@iliauni.edu.ge

ასოცირებული პროფესორი თამარ გურჩიანი  tamar.gurchiani@iliauni.edu.ge

ელ. ფოსტა

არგუსი

კონტაქტი

მთავარი