გერმანიის კვლევები – კულტურა, პოლიტიკა, საზოგადოება

უნიკალური ინტერდისციპლინური პროგრამა
გერმანიის კვლევების სამაგისტრო პროგრამა პირველია საქართველოში, რომელიც კომპლექსურად სწავლობს გერმანიის კულტურას, პოლიტიკასა და საზოგადოებას. პროგრამა მოქნილია და მიმართულია სხვადასხვა წინარეცოდნის, ინტერესებისა და საჭიროების მქონე სტუდენტთა მოთხოვნების დასაკმაყოფილებლად. მიღებული ცოდნისა და პრაქტიკული უნარების საშუალებით შეძლებთ დაამუშაოთ საქართველოსა და გერმანიაში შემორჩენილი გერმანულენოვანი დოკუმენტები და არტეფაქტები, გააანალიზოთ გერმანულ-ქართული კულტურათშორისი ლიტერატურა, განახორციელოთ გერმანიისა და საქართველოს პოლიტიკური, ეკონომიკური და კულტურული ასპექტების შედარებითი კვლევა.

საერთაშორისო თანამშრომლობა და რესურსები
პროგრამა ხორციელდება გერმანიის რამდენიმე წამყვან უნივერსიტეტთან (იენის, ზიგენის, ბოხუმის) აკადემიური პარტნიორობის ფარგლებში. პროგრამის ინტერნაციონალიზაციის მნიშვნელოვანი ნაწილია ილიაუნის ბიბლიოთეკასთან არსებული, DFG-ის მხარდაჭერით შეძენილი გერმანულენოვანი სამეცნიერო ლიტერატურის საცავი. კურსებს გაუძღვებიან პროფესორ-მასწავლებლები, რომლებსაც აქვთ გერმანულენოვან ქვეყნებში სწავლის, კვლევისა და მუშაობის გამოცდილება, მათ შორის გერმანელი პროფესორ-მასწავლებლებიც.

გაცვლითი პროგრამები და საერთაშორისო მობილობა
სწავლისას გექნებათ შესაძლებლობა, მონაწილეობა მიიღოთ პრესტიჟულ გაცვლით პროგრამებში (Erasmus+, DAAD) და სასწავლებლად გაემგზავროთ გერმანიის რომელიმე უნივერსიტეტში. ეს უნიკალური შესაძლებლობა გაძლევთ საშუალებას, პირველწყაროებთან შეხებით გაიღრმავოთ ცოდნა გერმანული კულტურის, პოლიტიკისა და საზოგადოების შესახებ, გააფართოოთ საერთაშორისო კონტაქტები და გაიუმჯობესოთ გერმანული ენის ცოდნა.

პრაქტიკული გამოცდილება და კარიერული პერსპექტივები
პროგრამის ფარგლებში დაგეგმილია სტაჟირებები შესაბამის ორგანიზაციებსა და უწყებებში, რაც საშუალებას მოგცემთ, პრაქტიკაში გამოიყენოთ მიღებული თეორიული ცოდნა. ასევე შესაძლებელი იქნება სტუდენტების ჩართვა სამეცნიერო/კვლევით პროექტებში, მაგალითად, სამხრეთ კავკასიაში გერმანული კულტურული მემკვიდრეობის დაცვის კავშირის საქმიანობაში. პროგრამის კურსდამთავრებულები მომზადებული იქნებიან ჩაერთონ გერმანიასთან დაკავშირებულ ნებისმიერ კულტურულ თუ სამეცნიერო პროექტში და დასაქმდნენ საერთაშორისო დაწესებულებებში.

პროგრამის ხელმძღვანელი

პროფესორი ლევან ცაგარელი  levan_tsagareli@iliauni.edu.ge

დასაქმების შესაძლებლობები

გერმანიის კვლევების სამაგისტრო პროგრამის დასრულების შემდეგ თქვენ შეძლებთ:

• ჩაერთოთ კულტურულ და სამეცნიერო პროექტებში;
• იმუშაოთ გერმანიასთან დაკავშირებულ ნებისმიერ საერთაშორისო დაწესებულებაში;
• ითანამშრომლოთ საგამომცემლო, მთარგმნელობითსა და ტურისტულ სფეროებში;
• სწავლა გააგრძელოთ უმაღლესი განათლების მომდევნო საფეხურზე - დოქტორანტურაში.
• დასაქმების ხელშეწყობის მიზნით პროგრამით გათვალისწინებულია სტაჟირებები შესაბამის ორგანიზაციებსა და უწყებებში.