ადიქციის კვლევები

ინოვაციური ინტერდისციპლინური მიდგომა
ილიას სახელმწიფო უნივერსიტეტის ადიქციის კვლევების სამაგისტრო პროგრამა გამორჩეულია თავისი ინტერდისციპლინური ხასიათით, რომელიც ეფუძნება ადიქციური ქცევების კომპლექსური შესწავლის ბიო-ფსიქო-სოციალურ მიდგომას. პროგრამაში ინტეგრირებულია ჯანდაცვის, ფსიქოლოგიური, სოციალური, იურიდიული და ეკონომიკური დისციპლინები, რაც უზრუნველყოფს ფართო და ყოვლისმომცველ განათლებას ადიქციების სფეროში.

პრაქტიკული და პროფესიული უნარების განვითარება
პროგრამა სტუდენტებს აძლევს უნიკალურ შესაძლებლობას, ადიქციური ქცევების სფეროში შეძენილი თეორიული ცოდნა გამოიყენონ შესაბამის პროფესიულ კონტექსტში პრაქტიკის გავლის პროცესში. ამგვარი მიდგომა უზრუნველყოფს თეორიული ცოდნისა და პრაქტიკული გამოცდილების ინტეგრირებას, რაც აუცილებელია პროფესიული უნარ-ჩვევების განვითარებისთვის.

მტკიცებულებებზე დაფუძნებული მეთოდი
პროგრამის გავლის შედეგად შეძენილი კომპლექსური ცოდნა წარმოადგენს მყარ საფუძველს წამალდამოკიდებულ პირთათვის ეფექტური ინტერვენციების შემუშავება-დაგეგმვა-განხორციელებისათვის, წამალდამოკიდებულების სერვისების (პრევენცია, მკურნალობა, ზიანის შემცირება, რეაბილიტაცია) მართვისთვის, ნარკოვითარების მონიტორინგისა და ნარკოპოლიტიკის შემუშავებისთვის.

რეალური ზეგავლენის მოხდენის შესაძლებლობა
ადიქციის კვლევების პროგრამაში მიღებული ცოდნა განსაკუთრებით აქტუალურია ქვეყანაში ადიქციებთან დაკავშირებული პრობლემების მართვისა და შესაბამისი ინსტიტუციური მექანიზმების განვითარების თვალსაზრისით. პროგრამის კურსდამთავრებულებს ექნებათ უნიკალური უნარი, მნიშვნელოვანი წვლილი შეიტანონ საზოგადოებრივი ჯანმრთელობის გაუმჯობესებასა და ნარკოპოლიტიკის რეფორმირებაში.

პროგრამის ხელმძღვანელები

• პროფესორი დარეჯან-ჯანა ჯავახიშვილი darejan.javakhishvili@iliauni.edu.ge
• ასოცირებული პროფესორი ირმა კირთაძე  irma.kirtadze@iliauni.edu.ge
• ასოცირებული პროფესორი დავით ოთიაშვილი davit.otiashvili@iliauni.edu.ge

დასაქმების შესაძლებლობები

პროგრამის კურსდამთავრებულებს შეუძლიათ დასაქმდნენ:

• სახელმწიფო და არასამთავრობო სექტორი ნარკოპოლიტიკის/სტრატეგიისა და კოორდინაციის დარგში;
• ნარკოვითარების მონიტორინგის ცენტრი და კვლევითი ორგანიზაციები;
• წამალდამოკიდებულების სამკურნალო სერვისები - როგორც დეტოქსიკაციური კლინიკები, ასევე მედიკამენტით მხარდაჭერილი მკურნალობის ცენტრები და სარეაბილიტაციო დაწესებულებები;
• ზიანის შემცირების სერვისები - საველე წვდომისა და თემზე დაფუძნებული პროგრამები, შპრიცებისა და ნემსების პროგრამები, ნებაყოფლობითი კონსულტირებისა და ტესტირების სამსახურები;
• ჯანდაცვის სისტემები: დაავადებათა კონტროლისა და ეპიდზედამხედველობის სამსახურები;
• სამართალდამცავი ორგანოების შესაბამისი უწყებები და სამსახურები; სასჯელაღსრულების სისტემის დაწესებულებები;
• სოციალური ზრუნვისა და დაცვის (როგორც ბავშვთა, ასევე ზრდასრულთა) სამსახურები.
• განათლების სისტემაში - სკოლაზე დაფუძნებულ პრევენციულ პროგრამებში და ასევე, ჯანდაცვისა და სოციალური უზრუნველყოფის სისტემაში - თემზე დაფუძნებულ პრევენციულ პროგრამებში.