ატმოსფეროსა და ახლო კოსმოსის მეცნიერებები

მაღალკვალიფიციური აკადემიური პერსონალი
პროგრამის განხორციელებაში ჩართულია მაღალკვალიფიციური აკადემიური პერსონალი, რომელიც წარმოადგენს ამავდროულად მაღალი ციტირების ინდექსის მქონე ატმოსფერო-იონოსფეროსა და ახლო კოსმოსის მეცნიერებების დარგის წამყვან მეცნიერებს მრავალწლიანი კვლევითი და პრაქტიკული გამოცდილებით.

პრაქტიკული უნარების და თეორიული ცოდნის შერწყმა
პროგრამა აძლევს კომპლექსურ თეორიულ და ექსპერიმენტულ ცოდნას მზის სისტემის პლანეტების ატმოსფეროს სტრუქტურის და ატმოსფეროში მიმდინარე პროცესების, თანამედროვე თანამგზავრული და გლობალური საერთაშორისო ქსელებით დედამიწის ატმოსფეროსთან დაკავშირებული კვლევებისთვის საჭირო მიდგომებისა და პრინციპების შესახებ. კვლევის დასახული ამოცანისა და შერჩეული მეთოდებიდან გამომდინარე, პროგრამის კურსდამთავრებული შეძლებს დედამიწის ატმოსფეროს გლობალური ცირკულაციური მოდელების გამოყენებას და ოპტიმიზაციას. აგრეთვე, შესაბამისი თანამედროვე მეთოდების, მიდგომების და თეორიული მოდელების შერჩევით და გამოყენებით ატმოსფეროს მეცნიერებებში აქტუალური თეორიული ან/და დაკვირვებითი კვლევის ეფექტურად განხორციელებას.

საერთაშორისო სტანდარტებით შედგენილი მრავალფეროვანი სასწავლო პროგრამა
პროგრამის შემუშავების და შეფასების პროცესში INMAS (International Master in Atmospheric Sciences) კონსორციუმის ჩართულობამ უზრუნველყო სასწავლო პროგრამის შედგენა საერთაშორისო სტანდარტებით.

კვლევით პროექტებში ჩართვის შესაძლებლობა
პროგრამაში ჩართული აკადემიური პერსონალი წარმოადგენს საქართველოში წამყვან კვლევით ინსტიტუტებს და ცენტრებს; მათ ასევე აქვთ კავშირები ევროპისა და აშშ-ს უნივერსიტეტებსა და კვლევით ცენტრებთან (გოტინგენის უნივერსიტეტი, ლუვენის უნივერსიტეტი, გრაცის უნივერსიტეტი, ოჰაიოს უნივერსიტეტი, ასევე გერმანიის კოსმოსური სააგენტო (DLR), ტრიესტის თეორიული ფიზიკის საერთაშორისო ცენტრი), რაც სტუდენტს აძლევს შესაძლებლობას, ჩაერთოს სამეცნიერო პროექტებში და შეასრულოს სამეცნიერო ნაშრომი მაღალი კვლევითი პროდუქტიულობის გუნდში. პროგრამის განხორციელებაში ჩართული პროფესორები არიან SCOSTEP-ის (Scientific Committee for Solar-Terrestrial Physics) წევრები. პროგრამაში ჩართული პერსონალი ითვალისწინებს ევროპის და აშშ-ის კვლევით და აკადემიურ დაწესებულებებში მიღებულ გამოცდილებას.

საერთაშორისო პარტნიორობა და ორმაგი ხარისხის შესაძლებლობა
სტუდენტებს ექნებათ შესაძლებლობა, გაიარონ პრაქტიკული და კვლევითი პროგრამები ევროპულ უნივერსიტეტებში, რითაც მოიპოვებენ კონკურენტულ უპირატესობას საერთაშორისო ბაზარზე. ილიას სახელმწიფო უნივერსიტეტმა 2022 წელს ხელი მოაწერა სამმხრივ შეთანხმებას შემდეგ უნივერსიტებთან: Université Clermont Auvergne (საფარნგეთი) და Johannes Gutenberg Universität Mainz (გერმანია). სამმხრივი შეთანხმება არეგულირებს სტუდენტების გაცვლის მექანიზმებს და გაცვლითი თრექის გავლის შემთხვევაში მეორე ხარისხის მინიჭების შესაძლებლობას.

პროგრამის ხელმძღვანელები

• ასოცირებული პროფესორი გოდერძი დიდებულიძე didebulidze@iliauni.edu.ge
•  ასოცირებული პროფესორი მაია თოდუა mayatodua@iliauni.edu.ge

დასაქმების შესაძლებლობები

პროგრამის კურსდამთავრებული შესაძლოა დასაქმდეს:

• აკადემიურ სფეროში: უნივერსიტეტებსა და კვლევით ინსტიტუტებში, სადაც წარმოებს ატმოსფეროს, იონოსფეროს, მზე-დედამიწა კავშირების, მეტეოროლოგიის, კლიმატის და ეკოლოგიის კვლევები, როგორც საქართველოში, ასევე სხვა ქვეყნებში;
  
• სანავიგაციო სამსახურებში, გარემოს ეროვნულ სააგენტოში, მონიტორინგისა და სტატისტიკურ კვლევებში, მომიჯნავე დარგების კვლევით ცენტრებში.

პროგრამის კურსდამთავრებულს სწავლა შეუძლია გააგრძელოს სადოქტორო საფეხურზე.