დედამიწის შემსწავლელი მეცნიერებები

მაღალკვალიფიციური აკადემიური პერსონალი
პროგრამის განხორციელებაში ჩართულია მაღალკვალიფიციური აკადემიური პერსონალი, მრავალწლიანი კვლევითი და პრაქტიკული გამოცდილებით.

თანამედროვე სასწავლო და კვლევითი ლაბორატორიები
სტუდენტები იმუშავებენ უახლესი ტექნოლოგიებით აღჭურვილ ლაბორატორიებში, რაც მათ საშუალებას მისცემს, შეიძინონ პრაქტიკული გამოცდილება; შეისწავლიან უახლესი პროგრამული უზრუნველყოფის პაკეტების გამოყენებას, მათ შორის, გეო-საინფორმაციო სისტემებს (GIS) და დისტანციური ზონდირების მეთოდებს.

პრაქტიკული სწავლება და რეალური პროექტები
პროგრამის ფარგლებში სტუდენტები იმუშავებენ ინდივიდუალურ და გუნდურ კვლევით პროექტებზე, რაც ხელს შეუწყობს მათ კარიერულ განვითარებას. სტუდენტს ექნება საშუალება, შეასრულოს პირველი სამეცნიერო ნაშრომი მაღალი კვლევითი პროდუქტიულობის გუნდში და იმსჯელოს დედამიწის შემსწავლელი მეცნიერებების აქტუალური პრობლემებისა და მათი გადაჭრის გზების შესახებ; მიიღოს მონაწილეობა თემატურ კონკურსებსა და კონფერენციებში.

საერთაშორისო პარტნიორობა და Erasmus+ გაცვლითი პროგრამები
სტუდენტებს ექნებათ შესაძლებლობა, გაიარონ პრაქტიკული და კვლევითი პროგრამები ევროპულ უნივერსიტეტებში, რითაც მოიპოვებენ კონკურენტულ უპირატესობას საერთაშორისო ბაზარზე.

 პროგრამის ხელმძღვანელი

პროფესორი არჩილ მაღალაშვილი  archil.magalashvili@iliauni.edu.ge

დასაქმების შესაძლებლობები

კურსდამთავრებულს შეუძლია დასაქმდეს: საჯარო, სამეცნიერო-კვლევით და სხვა დაწესებულებებში ან ნებისმიერ არასამთავრობო ორგანიზაციაში თუ კერძო კომპანიაში, რომელთა საქმიანობა დაკავშირებულია დედამიწის შემსწავლელ მეცნიერებებთან:

• გეოლოგიასა და გეომორფოლოგიასთან,
• გეოფიზიკასთან,
• ჰიდროლოგიასა და ჰიდროგეოლოგიასთან,
• საინჟინრო-გეოლოგიასთან,
• კლიმატოლოგიასთან,
• კარტოგრაფიასთან,
• სასარგებლო წიაღისეულის კვლევა-ძიებასა და მოპოვებასთან,
• გარემოს დაცვასა და ეკოლოგიურ მონიტორინგთან,
• გეო-საინფორმაციო და სატელიტური ტექნოლოგიების გამოყენებასათან.
• და სხვ.

პროგრამის კურსდამთავრებულს სწავლა შეუძლია გააგრძელოს სადოქტორო საფეხურზე.