გამოყენებითი გენეტიკა (ინგლისურენოვანი)

მაღალკვალიფიციური აკადემიური პერსონალი
პროგრამას უძღვება მაღალკვალიფიციური, გენეტიკური კვლევის და მონაცემთა ანალიზის მრავალწლიანი გამოცდილების მქონე აკადემიური პერსონალი. სწავლებაში ჩართულ მეცნიერებს აქვთ მაღალი საერთაშორისო რეიტინგი მათ სპეციალობაში. აკადემიური პერსონალი ითვალისწინებს აშშ-ის და ევროპის კვლევით და აკადემიურ დაწესებულებებში მიღებულ გამოცდილებას.

პრაქტიკული უნარების და თეორიული ცოდნის შერწყმა
სტუდენტები ეუფლებიან პრაქტიკულ გენეტიკურ მეთოდებს, როგორიცაა დნმ-ის გამოყოფა ცოცხალი ქსოვილიდან, საინტერესო გენის გამოყოფა გენომიდან PCR-ის გამოყენებით და ამ გენში ნუკლეოტიდების თანმიმდევრობის წაკითხვა, ასევე გენომის სექვენირება მეორე თაობის მეთოდებით ან წყალში ჩარჩენილი დნმ-ის მოლეკულებით იქ არსებული ორგანიზმების გარკვევა. ასევე ისინი სწავლობენ რთული მონაცემების დამუშავებას ბიოინფორმატიკული მეთოდებით და თეორიული პოპულაციური ბიოლოგიის საფუძვლებს, იძენენ სამეცნიერო ნაშრომის მომზადებისთვის აუცილებელ უნარ-ჩვევებს.

ადრეული კვლევითი გამოცდილება
მეორე სემესტრიდან სტუდენტები იწყებენ მუშაობას საკუთარ კვლევით პროექტზე ცხოველების, მცენარეების ან ადამიანის გენეტიკის სფეროში. პროგრამის სტუდენტებს შეუძლიათ დამოუკიდებლად დაგეგმონ და თანამედროვე რელევანტური მეთოდების, შესაბამისი აპარატურის გამოყენებით განახორციელონ კვლევა სხვადასხვა მიმართულებით: განსხვავებული ცოცხალი ორგანიზმების − ცხოველების, მცენარეების, ადამიანის − გენეტიკური კვლევა, პოპულაციების გენეტიკური სტრუქტურის ანალიზი, ევოლუციური ბიოლოგიის საკითხების კვლევა.

კვლევით პროექტებში მონაწილეობის შესაძლებლობა
აკადემიური პერსონალი წარმოადგენს საქართველოში წამყვან კვლევით ინსტიტუტებს და ცენტრებს; მათ ასევე აქვთ კავშირები ევროპისა და აშშ-ს უნივერსიტეტებსა და კვლევით ცენტრებთან, რაც სტუდენტს აძლევს შესაძლებლობას, ჩაერთოს სამეცნიერო პროექტებში და შეასრულოს სამეცნიერო ნაშრომი მაღალი კვლევითი პროდუქტიულობის გუნდში.

საერთაშორისო პარტნიორობა და Erasmus+ გაცვლითი პროგრამები
სტუდენტები შეძლებენ გაიარონ პრაქტიკული და კვლევითი პროგრამები ევროპულ უნივერსიტეტებში, რითაც მოიპოვებენ კონკურენტულ უპირატესობას საერთაშორისო ბაზარზე. პროგრამა აქტიურად თანამშრომლობს იულიხის კვლევით ცენტრთან (გერმანია).

თანამედროვე ლაბორატორიები და კვლევითი ინფრასტრუქტურა
პროგრამის განხორციელება მიმდინარეობს ილიას სახელმწიფო უნივერსიტეტის ეკოლოგიის, ზოოლოგიის, ბოტანიკის კვლევით ინსტიტუტებში, რაც უზრუნველყოფს სტუდენტის მეტ ორიენტაციას დასაქმების ბაზრის მოთხოვნებზე.

პროგრამის ხელმძღვანელები

• პროფესორი დავით თარხნიშვილი david_tarkhnishvili@iliauni.edu.ge
• პროფესორი კორტ ანდერსონი cort.anderson@iliauni.edu.ge

დასაქმების შესაძლებლობები

• ეპიდემიოლოგიურ, ფარმაცევტულ ან დაავადების კონტროლის ლაბორატორიაში
  
• კრიმინალისტურ ან სხვა ლაბორატორიაში, სადაც გამოიყენება გენეტიკური ექსპერტიზა
  
• სამთავრობო, არასამთავრობო ან კერძო დაწესებულებაში, სადაც გამოიყენება გენეტიკური ექსპერტიზა და მისი შედეგების ანალიზი − სასოფლო მეურნეობის, კონსერვაციული ბიოლოგიის და ეკოლოგიის დარგში
  
• კვლევით დაწესებულებებში − უნივერსიტეტში, კვლევით ინსტიტუტში, საბუნებისმეტყველო მუზეუმში საქართველოში ან ქვეყნის გარეთ

კურსდამთავრებულს სწავლის გაგრძელება შეუძლია დოქტორანტურის საფეხურზე.