მენეჯმენტი (ძირითადი სპეციალობა)

• პროგრამის პერსონალი 

საბაკალავრო პროგრამას ახორციელებს სფეროში წამყვანი სპეციალისტებისა და პრაქტიკოსების დაკომპლექტებული აკადემიური და მოწვეული პერსონალის გუნდი, რომლებიც მუდმივად არიან ჩართულები თანამედროვე კვლევებში, საერთაშორისო კოლაბორაციებსა და პრაქტიკულ საქმიანობაში. 

• ინფრასტრუქტურა და სხვა რესურსები 

საინფორმაციო კომპიუტერული რესურსცენტრები, სრულად აღჭურვილი სალექციო აუდიტორიები, საუნივერსიტეტო ბიბლიოთეკა მრავალფეროვანი ფონდითა და მდიდარი ელექტრონული რესურსებით, მათ შორის საერთაშორისო ელექტრონული ბაზებით, სტუდენტის რეგისტრაციისა და სასწავლო პროცესის მართვის საუნივერსიტეტო ქსელი „არგუსი” და დისტანციური სწავლების პლატფორმები Turnitin და E-learning, საუნივერსიტეტო და/ან საფაკულტეტო ცენტრები ხელს უწყობენ აკადემიური პროცესების ხარისხის ამაღლებას და უზრუნველყოფენ პროგრამით გათვალისწინებული სწავლის შედეგების მიღწევას. 

• პრაქტიკული უნარების განვითარება 

პროგრამა უზრუნველყოფს სტუდენტთა პრაქტიკული და ტრანსფერული უნარების განვითარებას როგორც შესაბამისი  ცალკეული პრაქტიკული კომპონენტებით, ისე კურსებში ჩაშენებული პრაქტიკული მუშაობითა და დავალებებით. აღსანიშნავია, ილიას სახელმწიფო უნივერსიტეტის სამეწარმეო ეკოსისტემის ხელშემწყობ სტრუქტურებთან (ტექ მეწარმეობისა და ინოვაციების განვითარების ცენტრი, პრეაქსელერატორი Zoom-out, სამეწარმეო ინოვაციების ლაბორატორია Fab Lab და Startup Grind-ის საუნივერსიტეტო წარმომადგენლობა) თანამშრომლობა, რაც სტუდენტს აძლევს შესაძლებლობას, ინოვაციური იდეები აქციონ რეალობად კვალიფიციური პერსონალისა და თანამედროვე დანადგარების დახმარებით. გარდა ამისა, პრაქტიკული უნარების განვითარების მიზნით პროგრამაში ჩართულია როგორც ილიას სახელმწიფო უნივერსიტეტის ბაზაზე არსებული კვლევითი ინსტიტუტები (ბიზნესის კვლევების ცენტრი), ასევე პარტნიორი ორგანიზაციები, რომლებთანაც გაფორმებულია შესაბამისი მემორანდუმები. 

• საერთაშორისო შესაძლებლობები 

საერთაშორისო გაცვლით პროგრამებში მონაწილეობის (მაგ. Erasmus+) შესაძლებლობა საერთაშორისო განათლებისა და გამოცდილების მიღების საფუძველს ქმნის, რაც შემდგომში ხელს უწყობს სტუდენტს მოიპოვოს კონკურენტული უპირატესობა როგორც ადგილობრივ, ასევე საერთაშორისო ბაზარზე. 

• დამატებითი სპეციალობის (Minor პროგრამის) არჩევის შესაძლებლობა

სტუდენტს შეუძლია სწავლების მესამე სემესტრიდან აირჩიოს დამატებითი სპეციალობა (minor) სხვადასხვა მიმართულებით ან ინტერესის შესაბამისად გაიაროს სხვადასხვა საბაკალავრო პროგრამაში შეთავაზებული სასწავლო კურსები 60 კრედიტის ფარგლებში. 

პროგრამის ხელმძღვანელები 

• ასოცირებული პროფესორი თამარ მაღალაშვილი  tamar.magalashvili@iliauni.edu.ge
• ასოცირებული პროფესორი თამარ ჯინჭველაძე  tamar.jinchveladze@iliauni.edu.ge

დასაქმების შესაძლებლობები 

ილიას სახელმწიფო უნივერსიტეტის საბაკალავრო პროგრამის: მენეჯმენტი (ძირითადი სპეციალობა) კურსდამთავრებულები შეძლებენ დასაქმდნენ კერძო ან საჯარო სექტორის დამწყებ მენეჯერულ საშუალო რგოლის სხვადასხვა მმართველობით პოზიციაზე. ასევე, შესაძლებლობა ექნებათ სწავლა გააგრძელონ უმაღლესი განათლების შემდგომ საფეხურზე - მაგისტრატურაში.